သီတင်းကျွတ်မီးထွန်းပွဲနှင့် ဆွမ်းတော်ကြီးတင်လှူပွဲတော်(၁)

9/21/09

ပီယ၀ါစာ= ချစ်ဖွယ်သောစကား

လောကရှိ လူသားများသည် ပီယ၀ါစာ=ချစ်ဖွယ်သောစကားကိုဆိုခြင်း ဟူသော စကားကို ကျင့်သုံးသင့်၏။ ပီယ၀ါစာသည် အလွန်အရေးပါ အရာရောက်သော စကားဖြစ်သည်။ တစ်ဦးနှင့်တစ်ဦး ပထမဦးဆုံးတွေ့ဆုံသောအခါ ပုဗ္ဗ၀ါစာဟူသော ရှေ့ဦးစကားသည် ပီယ၀ါစာ=ချစ်ဖွယ်စကားဖြစ်သင့်၏။ ထိုသို့ ပီယ၀ါစာကို ပြောဆို၍ဆက်ဆံမှသာ တစ်ဦးတစ်ဦး ဆက်ဆံရာတွင် အဆင်ပြေ အစင်ချောမည်ဖြစ်၏။
ထို့ကြောင့် လောကရှိ လူသားများသည် ပီယ၀ါစာ= ချစ်ဖွယ်သော စကားကို ပြောဆိုဆက်ဆံသင့်၏။
တစ်ဦးနှင့်တစ်ဦး ပထမအကြိမ်တွေ့ဆုံရာ၌ ပုဗ္ဗ၀ါစာသည် ဖရုသ၀ါစာ=ရုန့်ရင်းကြမ်းတမ်းသော စကားဖြစ်လျှင် ပထမဦးဆုံး တွေ့ဆုံခြင်းသည် ကောင်းသော တွေ့ဆုံခြင်း ဖြစ်မည်မထင်ပေ။ မကောင်းသော တွေ့ဆုံခြင်းသာ ဖြစ်မည်ဖြစ်၏။ ..၀င်ဝင်ချင်း ဆောက်နှင့်ထွင်း…ဟူသော မြန်မာစကားပုံ ရှိသကဲ့သို့ဖြစ်၏။ ၀င်ဝင်ချင်း ဆောက်နှင့်ထွင်း..ဟူသော စကားသည် အလွန်လေးနက်သော စကားဖြစ်၏။ ဥပမာအားဖြင့် လုပ်ငန်းတစ်ခုကို ပထမဦးဆုံး လုပ်ကိုင်ရာ၌ သူဌေး သို့မဟုတ် အလုပ်ရှင်များက ကြမ်းတမ်းစွာ ပြောဆိုဆက်ဆံခြင်း၊ အလုပ်များကို ဖိနှိပ်စွာခိုင်းခြင်းများ ပြုလုပ်လျှင် အသစ်ဝင်လာသော ပုဂ္ဂိုလ်သည် အတွေ့အကြုံမရှိသော ကြောင့် သူတို့ ဆက်ဆံသောစကား၊ သူတို့ခိုင်းသော အလုပ်ကို ပြေလည်အောင် လုပ်ကိုင်နိုင်မည်မဟုတ်ပေ။ မလုပ်ကိုင်နိုင်သောအခါ ထိုသူသည် စိတ်ပျက်အားငယ်ပြီး ဆက်လက်လုပ်ချင်စိတ် ရှိ်မည်မဟုတ်။ ထိုသူသည် သူဌေး သို့မဟုတ် အလုပ်ရှင်များကိုပင် အကောင်းမြင်မည်မဟုတ်၊ အဆိုးမြင်သွားမည်ဖြစ်၏။ အဆိုးမြင်ခြင်းသည်လည် ကောင်းသော အရာမဟုတ်ပေ။ ထို့ကြောင့် ထိုသို့သော ပြုမူများကို ရှောင်ရှားသင့်၏။
လူမှုဆက်ဆံရေးတွင်လည်း ထို့အတူပင်ဖြစ်၏။ မိမိဆီသို့ရောက်လာသော သူများကို မိမိက ကြမ်းတမ်းစွာ ပြောဆိုဆက်ဆံလျှင် ထိုသူများသည် မိမိဆီသို့ နောက်တစ်ခါ ရောက်လာမည်မဟုတ်ပေ။ ပီယ၀ါစာဟုခေါ်သော ချစ်ခင်ဖွယ်စကားကို ပြောဆိုပြီး ဆက်ဆံမှသာလျှင် ဆက်ဆံရေးသည် အဆင်ပြေပြီ ရေရှည်လက်တွဲနိုင်မည်ဖြစ်သည်။ ထို့ကြောင့် လူတိုင်းလူတိုင်း ချစ်ဖွယ်သော စကားကိုသာ ပြောဆိုသင့်၏။
လောကရှိ လူသားများသည် အရွယ်သုံးပါးလုံး၌ ချစ်ဖွယ်သော စကားကို ပြောဆို၍ လူမှုဆက်ဆံရေး ပြုလုပ်သင့်၏။ မိမိက အသက်ကြီး၏၊ မိမိဆီ ရောက်လာသော ဧည့်သည်ကား အသက်ငယ်သေး၏ဟူ၍ ထိုသူကို မိမိသည် ကြမ်းတမ်းသောစကားဖြင့် ပြောဆိုဆက်ဆံသော်လည်း ထိုသူသည် မိမိကို လေးစားလိုက်မည်၊ လက်ခံလိုက်မည်ဟူ၍ တွေးပြီး မဆက်ဆံသင့်ပေ။ ပြောဆိုလိုက်သော ပုဂ္ဂိုလ်သည် ပြောပြီးလျှင် ပျောက်သွားသော်လည်း အပြောခံရသော ပုဂ္ဂိုလ်ကား မေ့ပျောက်နိုင်မည်မဟုတ်ပေ။ မိမိက အသက်ကြီးသော်လည်း ရောက်လာသော ဧည့်သည်ပရိသတ်တို့အား ချစ်ဖွယ်သော စကားကို ပြောဆိုခြင်းဖြင့် ဧည့်ခံခြင်းသည် အကောင်းဆုံး၊ ခွန်အားအရှိဆုံး ဆက်ဆံရေးဖြစ်၏။ ထို့ကြောင့် စာဖတ်သူများသည်လည်း ထိုပီယ၀ါစာကို မျက်ကွယ်မပြုသင့်ပေ။
မည်သို့သော ကိစ္စပင်ဖြစ်စေ ပီယ၀ါစာသည် အလွန်အရေးကြီး၏။ မြတ်စွာဘုရားရှင်သည်ပင် ဖရုသ၀ါစာကို မပြောကြားရန် ပြောဆိုဆုံးမခဲ့၏။ ဖရုသ၀ါစာဟူသော ကြမ်းတမ်းစွာပြောဆိုခြင်းကို မြတ်စွာဘုရားရှင်သည် ၀ါစီကံ အကုသိုလ် ဟု ဟောကြားခဲ့၏။ မိမိကိစ္စ၊ မိမိလုပ်ငန်စသည်များ လုံးဝပြည့်စုံ အောင်မြင်လိုလျှင် လောကရှိလူသားများသည် ပီယ၀ါစာကို ကျင့်သုံးသင့်၏။ ပီယ၀ါစာကို ကျင့်သုံးသော ပုဂ္ဂိုလ်တိုင်းသည် လောကတွင် မအောင်မြင်သူမရှိ၊ အမှန်ပင် အောင်မြင်ရမည်ဖြစ်၏။ အသက်ကြီးသော ရဟန်းသံဃာများ၊ လူပုဂ္ဂိုလ်များက ပြောဆိုဆုံးမ သြ၀ါဒပေးလျှင် “ကြမ်းတမ်းသောစကားကို မပြောဆိုကြပါနှင့်၊ ချစ်ဖွယ်သော စကားကိုသာ ပြောဆိုကြပါ“ဟု ဆုံးမလေ့ရှိ၏။ ပီယ၀ါစာသည် လောက၌ မည်မျှ အရေးကြီးသည် အရေးပါသည်ကို စာဖတ်သူများ သိသာနိုင်ပြီဖြစ်၏။ ကြမ်းတမ်းသော စကားကို ပြောဆိုဆက်ဆံလျှင် လူသာလျှင်မကြိုက်သည်မဟုတ် တိရိစ္ဆာန်များပင် မကြိုက်ကြပေ။ ပုဏ္ဏတစ်ယောက်သည် မိမိ၏ နွားလားဥသဘအား ကြမ်းတမ်းစွာ ပြောဆိုခြင်းကြောင့် ပစ္စည်းဥစ္စာများ ဆုံးရှုံးရခဲ့ကြောင်း သာဓကများရှိခဲ့၏။
ထိုကဲ့သို့ တိရိစ္ဆာန်များပင် ကြမ်းတမ်းသော စကားဆိုခြင်းကို မကြိုက်ကြလျှင် လောကရှိလူသားသည်ကား ဆိုဖွယ်မရှိချေ။ အမှန်ပင် မကြိုက်ကြမည်ဖြစ်၏။ ထိုကြောင့် ဖရုသ၀ါစာ-ကြမ်းတမ်းသောစကားကို ရှောင်ရှားနိုင်၍ ပီယ၀ါစာ=ချစ်ဖွယ်သော စကားကိုသာ ကျင့်သုံးသင့်ကြောင့် စာဖတ်သူများအား တိုက်တွန်းချင်၏။
အချုပ်ဆိုရသော် ပုဗ္ဗ၀ါစာဟု ခေါ်သော ရှေ့ဦးစကား၌ ပီယ၀ါစာ=ချစ်ဖွယ်သောစကား၊ ဖရုသ၀ါစာ=ကြမ်းတမ်းသော စကားဟူ၍ ပြောဆိုခြင်းနှစ်မျိုးအနက် လောကရှိလူသားများသည် ပီယ၀ါစာဟုခေါ်သော ချစ်ဖွယ်စကားကိုသာ ပြောဆို၍ ဆက်ဆံသင့်ကြောင့် ဖော်ပြလိုက်ရပါသည်။


သားရွှေ။

ဝါဆိုပွဲတော် (၂၅.၀၇.၂၀၁၀)

သင်္ကြန်ပွဲတော်

သင်္ကြန်ပွဲတော်

လာရောက်အားပေးကြသော သူအပေါင်း ကိုယ်စိတ်နှစ်ဖြာ ကျန်းမာ၊ ချမ်းသာကြပါစေံ

ပထမအကြိမ်စုပေါင်းမဟာဘုံကထိန်ပွဲတော်နှင့် ရဟန်းခံပွဲတော်

ဆီမီးထွန်းပွဲ အမှတ်တရ ဓာတ်ပုံများ